La Despedía del trasgu y Vity

Nestos díes, acabamos de vivir dos fechos que se puen calificar d'Hestóricos dientro la curtia hestoria de la nuesa blogosfera. Tamos falando d'una comunidá onde los blogues más vieyos anden alrodiu los 3-4 años (con unes excepciones mínimes) y onde, nós, consideramos que ya hai blogues de cultu, blogues míticos y blogues pioneros. El fechu ye que dos de los blogues más importantes de la nuesa comunidá, acaben d'anunciar el cese de la so actividá. Estos sitios son Fueya en Blancu y El Trasgu d'areces. Ye una pena perder xente asina y al llegar a esti puntu, tamién nos alcordamos d'otros compañeros que tamién lo dexaron como Esfarrapando'l mundu o Les Muyeres con Paxellu.

Esto debe ser un ciclu como los qu'hai na vida, onde entamen nuevos miembros d'una comunidá a la vez que desapaecen otros. Esto enriquez la hestoria y la pluralidá, pero siempres queda un requexu señaldosu. Gracies compañeros.

Lleer Más...

Tarde en Danza

Prestábanos comunicavos la folixa qu'entama Vezos nel pueblu d´Asturies pal día 25 d' ochobre. ¿Qué meyor qu'una folixa de bandines y músicos tradicionales con un pocu sidra y unes castañes?. Podeis echar unos baillinos y si nun tais mui avezaos hacia les seis de la tardi va facese un pequenin taller de bailles y pasos pa entamar a danzar en cuantes suban al escenariu los músicos..... y si vos animáis llevái instrumentos y el gargüelu entonáu porque hai escenariu llibre pal que-y preste tocar o cantar pal baille. Too esto será el sábadu 25 d´ochobre.

El programa:

18:00h. Taller de baille.
(Vezos Astures)
19:00h. Bandina Tradicional. ( Santi Caleya, Merce Santos y David Varela)

19:45h. Pandereteres.
( María Gabieiro y Natalia Nuño)
20:15h. Gaita y tambor.
(Nicolás Iglesias y Valentín Benavente)
20:45h. Bandina Tradicional.
( Santi Caleya, Merce Santos y David Varela)
21:30h. Escenariu llibre pal que-y preste.
Serviciu de bar tola tarde. Entrada de baldre

Y ye nel Tendayu del pueblu d'Asturies en Xixón.

Lleer Más...

Bizarrismu Asturianu

TrayasgayA quier convidavos a que participéis na segunda Novena Bizarra de Grau que va a facese los díes 24, 25 y 26 d’ochobre.

¿Que, qué ye la Novena Bizarra de Grau? Pues ye una comedia que monta la Conceyalía de Mocedá del Ayuntamientu y el Conseyu de la Mocedá cola fin d’arrimar el xéneru y la cultura bizarra a la xente llano y del pueblu. Toos llevamos un pequeñu bizarru dientro, que llucha por salir a fuera, por glayar al altu la lleva SOI BIZARRU!!!

Va a haber delles cosuques mui simpátiques: exposiciones de fotos y d’oxetos bizarros asturianos, conferencies, concursos pa que la xente s’anime a participar colos sos oxetos y semeyes (rifen un viaxe) y Conciertazu de La Cirigüeña, y de xuru que más.

Dende’l mio puntu de vista creo que ye un aciertu qu’esti añu la Novena tea dedicada al Bizarrismu asturianu. Asturies ye mui bizarra, sabémoslo toos, asina que yo pienso participar con una madreña-barómetro de la Virxen de Cuadonga que tien mio güela en casa.

Más información en http://www.novenabizarra.com/

Lleer Más...

Adientro la mani

Pasó la mani ensin que fuera de nueche nin que lloviera. Fizo un bon tiempu nun sábadu que animaba a que la xente se averara a Uviéu pa mostrar la so postura ante'l gobiernu, los medios de comunicación y la sociedá en xeneral. La participación foi como la de veces anteriores, ensin medrar nin menguar. La sensación de desencantu taba presente ente la xente qu'asiste a estos saraos, más por compromisu militante-románticu que por moral o ilusión. Les mesmes cares colos mesmos glayíos. Otru comportamientu modélicu de "los del bable", demostrando que una reivindicación de más de 25 años, pue siguir faciéndose con tol civismu y respetu que a nós, nun nos tienen.

Caleyamos Cai Uría p'arriba y torcimos en direicción a la catedral, p'amontonanos delantre d'ella na so plaza. Nun escenariu, Xosé Antón "Ambás" fizo'l comunicáu de rigor y Anabel Santiago cantó un par de pieces enantes de que la xente colara.

La mani del 4 d'ochobre de 2008 ya ye hestoria. Cola so manipulación sobre cifres d'asistentes y el so vacíu por parte de los medios de comunicación "serios" que ya ye vezu. Pero tar tranquilos, que segun tan les coses, paez que va siguir habiendo munches más.

Lleer Más...

Cuñes de Radio pal 4 d'Ochobre

La xente que ta trabayando na exitosa campaña "yo doi la cara pola oficialidá", acaba d'apurrinos les cuñes de radio qu'anuncien la manifestación entamada pol C.A.O., mañana 4 d'Ochobre. La xente famoso que andamos buscando ente les semeyes, tamién pon la so voz al serviciu de la vindicación llingüistica.

Corín Tellado:

Manuel Busto:

Jose Ángel Hevia:

Chechu Rubiera:

Victor Manuel:(sí, sí, Vitorín el nuesu!!)

Lleer Más...