4 d'ochobre, manifestación

El Conceyu Abiertu pola Oficialidá ta trabayando yá la convocatoria d’una nueva movilización pola oficialidá de la llingua asturiana.
La manifestación, col lema "Ensin Oficialidá nun hai Estatutu que valga", va salir de la Estación del Norte d’Uviéu a les seis de la tarde del prósimu sábadu cuatro d’ochobre.

El CAO llama a los asturianos y asturianes a manifestar la so denuncia énte la voluntá de los partíos mayoritarios de condenar a muerte al nuesu patrimoniu llingüísticu.

¡Agora ye’l momentu! Na reforma l’Estatutu ¡L’Asturianu Llingua Oficial!

El textu ye de la páxina de la xunta.

Lleer Más...

Volvimos de L'Arribada

Como vos cuntamos n'anterior entrada d'esti blog, TrayasgayA participó na mesa redonda que se fizo dientru de L'Arriba, alrodiu del mundu de la Blogosfera n'asturianu. Podría cuntavos que foi un éxitu, mui prestoso y onde sacamos unes conclusiones interesantísimes. Pero como nun nos gusta decir mentires, nun lo vamos a facer. Poco tiempu, experiencies demasiao estremaes o demasiao nueves nel mundu de la blogosfera. Había xente mui interesante como Pablo Texón, Xandru Fernández o Fernando de la Fuente d'Asturies.com, que dexuru teníen un montón de coses que cuntanos. Pero nun hubo tiempu.
Prospero Morán habrió'l debate con una pequeña ponencia sobre les 2.0 y les redes sociales, bla, bla, bla. Y de siguío siguimos falando los que tabamos ellí y cuntando les nueses experiencies como blogueros.
El debate monopolizámoslu La Esfoyaza y TrayasgayA cuando falemos de los dos alcuentros de Blogs n'Asturianu que se ficieron.

Conclusiones:
Prestonos falar cola Esfoyaza.
Grabemos un vidiu pa la TPA por PMP (Prospero Moran Productions)
Prestonos Falar cola Esfoyaza

Dende TrayasgayA queremos dar les gracies por invitanos a participar na mesa y decir que seguiremos participando en toes aquelles iniciatives, actos y demás verbenes que tenga como fin promover la cultura del país.

Lleer Más...

Vamos a L'Arribada

Como podeis ver nel reversu del programa de l'Arribada, TrayasgayA va participar na mesa redonda que se va facer el día 16 de setiembre a les 16:15 nel Institutu Xovellanos. Sólo un cambiu llaboral d'ultima hora podría causar la nuesa baxa nesi actu. Préstaríanos que la xente de la blogosfera, tuviere presente ellí, por qu'ente los ponentes echamos en falta a blogs indispensables dientro d'esti movimientu. Esi tipu de blogs que faen que sin la so presencia, la hestoria de la blogosfera n'asturianu nun pueda ser contada.

La razón de la nuesa asistencia ye totalmente casual. La organización de L'Arribada púsose en contautu con Ricardo Candás de La Esfoyaza, y foi él quien-yos faló de nós y algamó que nos llamaran p'asistir a esti actu. Asina que prestaríanos da-y les gracies públicamente a Ricardo, non por facer que participemos nesa mesa redonda, sino por alcordase de nós, de manera totalmente altruista y sincera. Gracies.

Equí podeis ver el programa oficial.

Lleer Más...

I Festival 2 Mares

El I Festival 2 Mares ye una iniciativa de La Casa d'Asturies y la Associació d’Amics de la Gaita de Valencia cola misión de fundir nun festival les abondances culturales de les dos orielles, una oriella d'emigración y una oriella d'acoyida, a traviés de la fusión y difusión d'un raigañu cultural mixtificáu ente aquellos que lleguen y quienes los reciben.

Sábadu 20 de setiembre de 2008 - 17:00h Vieyu cauce del ríu Turia Ente Pont de les Flors y Pont de l'Exposició (Valencia)
o Banda de gaitas Celturia y pandereteiras Amics de la Gaita
o Grupo de gaitas de Murcia
o Grupo de danzas Alboroque, Aspe
o Grupo de gaitas y pandereteiras Os Castros, Alicante
o Colla de dolçainers Gatzara, Paterna
o Grupo de gaitas de Castellón
o Banda de gaitas y grupo de pandereteras Escuela d'Asturianía del Llevante.
o Grupo de baile y gaitas Andecha pol Raigañu, Barcelona
o Grupo de pandereteiras Erguedela, Valladolid
o Banda gaites Avante Cuideiru, Asturies
o Grupo Folk Risca l'Alba, Barcelona

Barres con comida, bebida y productos típicos del pais, pulpeiros, sidra, zona de luthiers dende Galiza, Asturies, Balears, mercadillu d'instrumentos...

Tola información en:

http://www.festivaldosmares.com/

http://www.myspace.com/festivaldosmares

Lleer Más...