31.8.08
Camín de Cantares en Cangas

Ambás fainos llegar esta información sobre'l so programa Camín de Cantares:

Fiximos un programa especial de Camín de Cantares en Cangas con tolos informantes cangueses del programa. Grabamoslo esti martes en teatru Torenu ya quedou muitu bien.
Va emitise el 8 de setiembre a a les 10:15, ya dura una horina.
Presentamoslo you ya Vanessa Gutierrez (del programa Pieces) ya vamos falando con cada convidáu, unos van cantar, outros tocar, outros recitar ya contar.
Baxanon ocho cangueses protagonistas de Camín :
Concha ya Irene de Tresmonte, Lulo ya Amparo de Val.láu, Dulia de La Pacharina, Binita Xuacu de Vidal, María L'Acebu ya Eufrasia de Ridera (faltóu Enriqueta de Xichón por motivos de salú).

Además fonon convidaos Anabel Santiago, Hector Braga ya Tuenda.
A ver se vos presta. Un saludu. Ambás.

 
Díxolo Tin a les 3:51 PM | Dir a la páxina d'esta entrada | 0 Bilordios
25.8.08
TrayasgayA pol Mundu. New York

Nueva York (nome oficial n'inglés City of New York) ye la mayor ciudá d'Estaos Uníos y el más importante centru mundial de finances y comunicaciones. Na ciudá alcuéntrense museos, galeríes d'arte, teatros, etc.. que faen d'ella la capital cultural del mundu occidental.
Tien una población de más de 8 millones d'habitantes procedentes de 180 países. Forma una área metropolitana de 22 millones de persones (28 si contamos Filadelfia), faciendo d'ella la segunda mayor del mundu.
La ciudá ta formada por cinco boroughs, distritos o barrios, por dayos un nome pa entendemos: Brooklyn, el Bronx, Manhattan, Queens, y Staten Island. Ye'l epicentru de la nomada Megalópolis, rexón urbana de la costa que va de Boston a Washington DC.
Xunto con Londres y Tokio ta considerada una de les tres ciudaes globales de primer rangu. Les Naciones Uníes tienen la so sede na ciudá.

Nel momentu del so descubrimientu europeu en 1524 por Giovanni da Verrazzano, la rexón taba habitada por alrededor de 5.000 aboríxenes de la tribu de los Lenape. Esti exploraor italianu al serviciu de la corona francesa llamola Nouvelle Angoulême (Nueva Angulema). La instalación europea entamó en 1614 en manes de los neerlandeses y en 1626, el direutor de la colonia, Peter Minuit, compró la islla de Manhattan a los Lenape (la lleenda, agora refutada, cuenta que por abalorios de cristal por un valor de 24 dólares). El llugar sería renomáu como Nieuw Amsterdam y especializaríase nel comerciu de pieles. En 1664, los ingleses conquistaron la ciudá y rebautizáronla col nome de Nueva York en honor al Duque de York y Albany.


Fonte Uiquipedia.
 
Díxolo Tin a les 8:45 AM | Dir a la páxina d'esta entrada | 0 Bilordios
19.8.08
De Lleendes y Mocedaes

Dende que TrayasgayA fizo’l primer post venimos denunciando públicamente una realidá que nos preocupa fonderamente: la de los cientos de mozos y moces d’Asturies que dexen el páis pa buscar un trabayu dignu.

Los sindicatos lleven denunciando de forma reiterada l’importante númberu de mozos y moces que dexen Asturies cada añu. Estimando que unos 18.000 ya hicieron nel periodu 2003 y 2004. Informes, como l’estudiu "Los asturianos emigrantes en el exterior: asturianía, condiciones de vida y retorno", fechu por Óscar R. Buznego, sociólogu de la Universidá d’Uviéu, afirmaba qu’ente 5.000 y 20.000 mozos con altu nivel formativu trabayen fuera d’Asturies. Otru trabayu de la Federación de Caxes d’Aforros reforzaba la cifra que aporten los sindicatos (30.000 xóvenes) y resaltaba que, d’ellos, al menos 17.000 tenía formación universitaria o media (LNE, 15 febreru 2004). L’último estudio presentado por el CMPA (Conseyu de la Mocedá del Principáu d’Asturies) “ Mocedá Asturiana nel Exterior,” del añu 2007, sitúa a Asturies cabezalera d’Europa no que a salida de mozos, a otres rexones a trabayar, se refier.

Resulta imprescindible asumir críticamente una realidá, la de la xeneración d’anguaño de mozos y moces que, si nun ponemos en marcha les medies y les polítiques necesaries, acabará por pasar a la historia como la "xeneración ALSA". Por eso ye necesario reclamar unes polítiques públiques que consideren a la mocedá como una apuesta estratéxica, como la protagonista central de l’acción de gobiernu. Pa ello hai que garantizar medios, recursos, diseñar y poner en marcha de forma inmediata programes y acciones que contribuyan a dibuxar un escenariu nuevu, con nueves oportunidaes, capaz de aprovechar el potencial creativu de la mocedá pa que revierta na nuesa sociedá, na nuesa economía, na nuesa industria, nos nuesos conceyos.

Polo pronto la mocedá yá empieza a organizase y a tar farta.
 
Díxolo Xulio Nel a les 12:16 AM | Dir a la páxina d'esta entrada | 1 Bilordios
9.8.08
La xestión socialista de Perlora

Entamó durante'l desarrollu industrial de los años 50 como ciudá de vacaciones palos "productores" d'ENSIDESA, esti singular conxuntu arquitectónicu asturianu, reconocíu por diversos organismos nacionales e internacionales, vese seriamente amenazáu, como pue vese nestos vídeos de Asturiasverde y el Comentario TV. ¿Tien la solución el Gobiernu d'Asturies?.

Les fundaciones Docomomo y Mies van der Rohe y la Caxa d'Arquitectos ficieron un catálogu de los edificios más importantes de l'arquitectura española, nos que se incluye 167 construcciones asturianes, de les que sólo el 5% cuenten nestos momentos con dalgún nivel de protección.

El catálogu completu ta en: http://www.archxx-sudoe.es/. Los redactores del rexistru llancen un mensaxe d'alarma sobre dalgunos de los edificios singulares de la Ciudá de Vacaciones de Perlora, nel conceyu Carreño. Destaquen los xalés horru que son consideraos un experimentu de incorporación a l'arquitectura turística de los elementos autóctonos y la so integración nel paisaxe. Sicasí, los redactores señalen que dalgunos elementos ya fueron demolíos o alteraos. Too ello xúnese al abandonu que sufre el singular conxuntu arquitectónicu de la Ciudá de Vacaciones.


Noticia de la privatización en El Comercio.
Noticia en asturiasverde.com.
Noticia del pieslle de la ciudá de vacaciones en El Comercio.
Comentariu en Ciao.es.
La xestión de Migoya en La Voz de Asturias.

Semeyes del derribu.


Visto en monsacro.net

 
Díxolo Xulio Nel a les 12:07 AM | Dir a la páxina d'esta entrada | 0 Bilordios
1.8.08
Extremadura Needs You

El númberu unu de la coalición ICV-EUiA pola provincia de Tarragona nes últimes elleiciones xenerales y conceyal del Ayuntamientu de Torredembarra, Lluís Suñé Morales, anima nun comentariu asoleyáu nel so blogue a apadrinar a los neños d'Extremadura por "1.000 euros al mes". Na so particular forma de protestar escontra'l actual sistema de financiación autonómica, Lluís Suñé pon nel so post una semeya de dos guah.es medio desnudos y puercos, y dos frases, una n'inglés: SOS Extremadura needs you (Extremadura necesítate) y otru en catalán: Un 8,7% del PIB catalán nun ye suficiente, apadrina un neñu extremeñu por 1.000 euros al mes. Suñé completa la mofa del fotomontaxe colos llogotipos del Gobiernu d'España y d'Unicef.


Visto en El Pais.

 
Díxolo Xulio Nel a les 12:19 AM | Dir a la páxina d'esta entrada | 0 Bilordios