Ayudes pa Blogueros y Blogueres

Nel boletín del pricipáu d'asturies de güei, sal espublizao una serie d'ayudes que'l gobiernu asturianu da a delles estayes de la cultura. En concretu hai una destinada a les nueves tecnoloxíes onde se ofrecez un sueldu de 500 € al mes durante un añu y la espublización de los meyores post nun llibru de la conseyería a xente que tenga blogues en llingua asturiana. La conseyería de cultura y turismu tien l'enfotu de promocinar l'usu de la llingua asturiana na rede a la par que pretende da-y puxu a l'usu de les nueves tecnoloxíes na cultura asturiana.

Nesti bopa podeis descargar les bases y los requisitos pa solicitar les perres.

Lleer Más...

Wiki de la Xunta de Blogues en Llingua Asturiana

A parte de lo del porno y el consesu n'agrandar la bayura de conteníos de los nuesos blogues, nel I Sidra&Blogues que se fizo n'Uviéu el pasáu 24 payares, llegamos al alcuerdu de facer una wiki pa la xunta de blogues en llingua asturiana, que se entamó esi día. Una wiki (o una uiqui) (del hawaianu wiki wiki, «rápidu») ye un sitiu web collaborativu que pue ser editáu por dellos usuarios. Los usuarios d'una wiki puen asina crear, modificar, esborriar el conteníu d'una páxina web, de forma interactiva, cenciella y rápida; diches facilidaes faen de la wiki una ferramienta efectiva pa la escritura collaborativa.

La idea ye editar los conteníos ente toos y toes, faciendo d'ella el sitiu onde compartir información que consideremos interesante (cursos, páxines afayaices pa los blogueros y blogueres, noticies...) y un puntu d'unión onde comunicanos, amás de tolo que vaya medrando col pasu'l tiempu. De xuru que munchos nun saben andar per ella nin editar conteníos o poner enllaces (yo mesmu hasta fai una selmana...). Taba bien que la xente que sabe movese poles wikis, echara un gabitu a los demás. De toes formes, nel alcuentru d'abril, facía falta dedica-y una migaya tiempu a esti asuntu. De mano, podeis da-vos d'alta enantes d'entamar a editar.

La wiki de La Xunta de Blogues en Llingua Asturiana, ye :

http://www.xuntanzablog.wikispaces.com/

Lleer Más...

TrayasgayA Folk Metal Company

La Cuenca ye un sitiu raru, nel que se dan procesos de supervivencia, afitamientu y cambiu. La sociedá sigue un vezu concretu qu'engloba a la mayoría, pero onde hai xente hai diversidá. Asina, los diferentes grupos sociales tamién tienen el so vezu, que ye un patrón de conducta bien marcáu y premiáu con un estímulu positivu. Si nun sigues esi patrón, la rempuesta dañina va convencete que ye más fácil siguir a la masa borreguil y mimetizate ente los llombos de los tos compañeros qu'arriesgate a quedar espuestu, solu y desnudu, col pescuezu a l'aire. Sicasí, esto nun ye una verdá universal y como la xente, en tolos llaos ye capaz de lo meyor y lo peor, tamién ye capaz de vaciar la tiesta y dexase dir o dase cuenta del fallu y prever a onde te va acabar llevando. Por eso nun se pue xeneralizar, por eso inda nun ta too perdío. Fai tiempu lleí nun myspace "Nin mina, nin cocaina", fai tiempu que me dí cuenta, qu'hai xente estremao, aunque seyan los menos.

Lleer Más...

Cuenca Maphia

Cuenca Maphia representa'l hip-hop na cuenca minera asturiana. Esti ye'l nome del colectivu qu'axunta a la mayor parte de los grupos y xente individual que tien daqué que ver nel Hip Hop de les cuenques. Orixinariamente, esti yera'l nome que se-yos daba a dellos hestóricos del movimientu na cuenca'l nalón cuando salíen fuera, gastando-yos la broma de: "estos de la cuenca sois igual que la mafia". El nome foi afitándose y güei ye casi una marca de denominación d'orixe.

Ente les sos files tan xente como Kans 13, Arma X, Testimoniu la Viztima, Dj Nemesis, K-Nalon, Ki2, Nonik, Zhero, Shinoby, CnK, Phosky y Pekeño bastardo (SKF) ente otros. Equí teneis el myspace de Cuenca Maphia onde atopar más información sobre esti colectivu (vídios y semeyes).

La semeya ye cortesía d'Aida.

Lleer Más...